Hvenær er rétti tíminn.........

Karlpeningurinn á heimilinu er heimavið í dag. Einhver pestin hefur gert sig heimakæra í holtinu á sterkara kynið ! Ég hef ekki náð að greina fuglaflensu einkenni og tel ég þetta frekar vera típíska haustflensu líklega komna úr skólanum hjá Fannari. Við félagarnir erum náttlega búnir að tengja playstation við plasman og heimabíóið, orðið heimilislegt hjá okkur.

Ég vildi ekki vera að standa í að kaupa mína fyrstu íbúð núna, kannski ný kominn úr skóla og með litla peninga milli handanna eins og algengt er þegar fólk er að kaupa sína fyrstu. Gefum okkur það par sé búið að safna millu, það byrjar á því að borgi tæpan helming af því í lántökugjald og stimpilgjald. Þá er eftir 600 þús ( fer auðvitað eftir fasteignamati og upphæð lánsins. Eins og verðlag hefur þróast síðustu ár hefur brunabótamatið sigið mikið afturúr og er nú mikið mun lægra en ásett verð í flestum tilfellum, Þá kemur upp vandamáli. Þrátt fyrir innreið bankana á íbúðalánamarkaðinn er vandamál að fá svo mikið lán á eignina, allar lánastofnanir að undanskyldum Íslandsbanka hafa dregið 100 % lánin til baka. Þeir eru aftur á móti með mun harðari kröfur um greiðslugetu sem að hinn venjulegi námsmaður nær oft ekki að uppfylla.

Með Íbúðarsjóðsláni auk hattláns frá Sparisjóðinum getum við gefið okkur að íbúð sem fæst á 13.9 milj, brunabótamatið er 8,4 milj og lóðarmat 1.4 milj. Þá færð þú að hámarki lán sem reiknað er út þannig

brunabótamat * 1,2 + lóðamat = 11.480.000

Þá vantar uppá miðaðvið að notaðar séu þessar 600 þús í peningum 1.820.000 þús. Hvað gerir fólk þá......Elsku mamma !

Þeir sem keyptu sér íbúðir á undanförnum árum hafa séð að þetta hefur verið afar góð fjárfesting :-) en ég tel nú að toppnum sé náð. Framboð á nýbyggingum er orðið það mikið að markaður eftirspurnar er að verða mettaður tel ég. Markaðurinn að breytast úr seljanda markaði yfir í kaupenda markað, semsagt mikið af eignum á söluskrá og úr nógu að velja. Ég var reyndar á ráðstefnu hjá Kbbanka í gær og þar hljómaði spá þeirra uppá 6% verðhækkun fasteigna næstu 12 mán og þar á eftir einhver niðursveifla á klakanum frá lok 2006-2008. Inní þessari spá eru reyndar margir óvissuþættir eins og, verðbólga, launaþróun ásamt eftirspurn og framboði. Enda er þetta spá, daddara.

Nennti einhver að lesa þetta allt ?