Lúxus miðbær !

Jæja þá er mar í því að sporrenna niður einni Sóma lúxussamloku sem inniheldur Kjúklingabringu,rautt pestó, rýrðan rjóma, rauða papriku, salatblöð síðast en alls ekki síst kornbrauð. Uhhh kalt mat : Þó nokkuð þurr, mætti vera meiri sósa að mínu mati. Hún hefur uppá að bjóða ívið of mikið grænmeti þessi elska sem mætti svo sannalega yfirvinna með dassi af kjúklingi til viðbótar sem myndi þá að samaskapi kollvarpa hér áður nefndri lýsingu og skriði hún þá örugglega upp einkunnarlistann. Rauða paprikan bjargar henni frá falli og hlýtur hún einkunnina 6.

Fór aðeins að útrétta í miðbænum áðan. Alltaf gaman að koma í miðbæinn ! Ég er einn af þeim mörgum sem þykja vænt um miðbæ Reykjavíkur en legg samt ekki neitt að mörgum til að styrkja verslun á svæðinu ( nema þá kannski á öldurhúsum sem er ekki svipur hjá sjón núorðið ) Hvað veldur ?
Líklega er það veðurfarið sem rekur mann oft í Kringluna eða Smáralind ásamt gömlum vana. Það dettur samt alveg inn að mar fari að versla í ágætisveðri en nei ekki fer mar á Laugaveginn. Bílastæðamálin hafa líka áhrif ef ég tala fyrir mig en held að þau mál hafi skánað talsvert með tilkomu bílastæðahúsa. Þessir stöðumælar eru líka alltaf umdeildir, mar er náttlega aldrei með klink í þá en ef þeir væru ekki til staðar væri hætt við því að þau stæði myndu teppast dögum saman af bílum sem tilheyrðu ekki verslunum í bænum. Þegar mar fer erlendis þá labbar maður verslunargöturnar upp og niður, út og suður og hefur gaman af, hversvegna ekki hér heima ? Kannski útaf því að mar er ekki duglegur við að fara í verslunarferð í bæinn og fá sér nokkra hrímaða inn á milli ? mar þekkir ekki nema lítið brot af búðunum í bænum, svona búðirnar eins og Stymma gleraugu sem náttlega allir þekkja.

En allavega allir í bæinn............