25 ára létt naflaskoðun !

Tíminn líður í dag er 24 ágúst sem segir mér að það eru liðinn 25 ár frá því að ég fæddist, þetta eru svosem ekki merk tímamót þannig en hálfnaður í fimmtugur hljómar ágætlega.

Í gamni langar mig að lýta aðeins yfir farinn veg.

Þegar ég horfi til baka verð ég að segja að ég er mjög þakklátur fyrir þessi 25 ár. Ég á frábæra fjölskyldu sem er og hefur alltaf verið mér ómetanleg. Ég hef alltaf átt góða vini sem ég get treyst á. Ég er jákvæður og glaðlyndur, síðast en ekki síst hef ég verið hraustur sem er langt frá því að vera sjálfsagður hlutur.
Allt þetta eru mikil forréttindi, að hafa þennan trausta grunn fyrir lífsins spunaverk ( púff djúpur ).

Það sem ekki drepur mann styrkir : Ég hef aðeins fengið að kynnast erfiðum tímum, þekki hvað er að syrgja og sjá eftir nánum ættingjum. Það er hlutur sem maður óskar engum en er víst gangur lífsins. Tíminn læknar öll sár eða allavega linar þjáningar. Það er ómetanlegt að eiga nóg af fallegum minningum sem hlýja manni.

Föst leikatriði og nokkrir misáhugaverðir punktar.

* Eignaðist tvo stráka sem er alveg ólýsanlegt, æðislega konu og þar með litla flotta fjölskyldu ( ótrúlega stoltur )

* Ég hef stundað nám við 5 skóla að loknum grunnskóla þ.m.t löggildingin sem ég er í núna. Ástæðan fyrir þessu er líklega röð tilviljana og áhuga fyrir að prufa eitthvað nýtt. Mér hefur gengið nokkuð vel í námi og ef áhuginn er til staðar er ég nokkuð brattur.

* Eignaðist frábæran hund (Schäfer) það var alveg frábært tímabil. Því miður þurfti að svæfa hann tæplega 2ja ára, það var erfiðara en mér hefði nokkur tíman grunað. Á eftir að eignast hund aftur, ekki spurning.

* Ég hef starfað við eitt og annað s.s tveimur fasteignasölum, sölu á raftækjum, bílaverkstæði, hitaveitu, bensínstöð, pítsustað, sláturhúsi, glerverksmiðju, málinga og, unglingavinnu svo eitthvað sé nefnt. Mis spennandi en allt þetta hefur skilið eftir sig einhverjar góðar minningar.

* Ég hef flutt milli staða að ég held 7 sinnum þar af hef ég átt tvær eignir sjálfur.

* Ég hef átt nokkra bíla, er ekki alveg með töluna á hreinu en held að þeir nálgist 30

* Ég hef farið 2x til Danmerkur, Noregs, Þýskalands, Færeyja og oft til Vestmannaeyja. Þá er það upptalið

* Um aldarmótin afrekaði ég að sprengja á mér annað augað, þetta leit illa út, ég var fyrst til að byrja með blindur á auganu en með nokkrum aðgerðum náðist c.a 30 % sjón. Er mjög þakklátur fyrir það.

* Jú hef farið á tónleika : tvenna skunk anansi, metallica og ” lesist hratt hóst hóst ” tvenna Scooter ! Stefni á að fara á Robbie Williams fljótlega.

* Hef hjólað frá Reykjavík til Hellu ( ekkert merkilegt í dag, það eru allir í því að hjóla hringinn í kringum landið eitthvað !

* Já góðan daginn var kjörinn herra helluskóli tvö ári í röð, þetta má ekki gleymast !

* Var félagi í Svörtu stjörnunni !

* Hef tekið 8 daga af 10 og var nærri dauða en lífi á eftir !

* Hef mígið yfir stóra bróðir ( reyndar ekki alveg nýlega, var í old er mér sagt !

* Var í hljómsveitinni Síðar nærbuxur með röndum.................toppband þar á ferð !

Ég vill ekki viðurkenna að þetta sé nú líf mitt í hnotskurn eða að afrek mín séu þarna upptalin, frekar nokkrir misáhugaverðir punktar sem poppuðu upp.
En allavega er þessi rússíbanaferð verður skemmtilegri og skemmtilegri með hverju árinu og hefur mér aldrei liðið betur en í dag.