Allt við það sama en á yfirsnúning einhvernvegin !

Konan fór í dekur á snyrtistofunni og við strákarnir erum heima, vill allavega sjálfur meina að það sé eins og mar hafi ekki gert neitt annað en að vera í þessu hlutverki. Þessi litli gullmoli sem fæddist 18 maí gerir lítið annað en að láta mann líða vel, fyllir mann orku og gefur lífinu nýja vídd sem ég áður hafði bara heyrt um, ótrúleg tilfinning.


Ég fékk nokkur hress símtöl frá eyjum um helgina, virtist vera þéttur stemmari eins og við var að búast, verð að segja að eðlilega togaði það aðeins í ( mar hefur jú gaman af slíkum mannamótum ) ég hefði hinsvegar aldrei viljað skipta á því og helginni fyrir norðan. Vorum þar öll systkinin þar með talin þessi hálfa ( Sigyn sem ég hef ekki hitt í mörg ár) hún býr fyrir norðan og lögðum við heimilið hennar nett undir okkur. Þetta var einstaklega gaman þrátt fyrir að hafa ekki einusinni afrekað að mæta á dansiball ( ýmsar ástæður fyrir því svosem ! )

Er heima í svokölluðu fríi þessa vikuna, fæðingarorlof nei en það kemur vonandi fljótlega. Er heima í lestrarfríi fyrir próf sem er á laugardaginn, eins og vanalega mætti lærdómurinn ganga betur.

Þó ekki lokum fyrir það skotið að maður mæti einn daginn aftur á Þjóðhátíð sko !