já já já ja hefði nú haldið það.

Létt gáta: Hvað eiga pungur og votta hehóvar sameiginlegt ?

Mar fékk sér...... að liggja í heitum pottinum upp í rassgati sjóðandi heitum í tunglsljósinu og eftir hálftíma þegar þorstinn læðist að manni er heldur betur hressandi að skvetta í sig hálfum lítra af ís jökul köldu kaffi!!! ekki spurning.

Heimtur úr helju !

Þessi ferð mín í bústaðin var alveg snilldar eitthvað. Náði bara að læra alveg heilan helling og hafa það bara ansk gott. Laxi var svona frekar þögull allan tíman og tengi ég það við það að hann varð mjög bílveikur og þurfti ég að stoppa oft á leiðinni fyrir hann til þess að æla ( rétt eins og sumir hafa lent í að gera fyrir mig einhvertíma útaf einhverskona bílveiki hahahhahaah) já alveg nákvæmlega eins....................
Ætla sko alls ekki að fara neitt nánar í þessa ferð bara veita hanni blessun !!!!!!!!!

Fyrsta prófið er á morgun og er það í Jarðfræði áfanga sem er um stjörnufræði bull og ekki spyrja mig afhverju ég er að þvælast í þeim áfanga !!!! En er samt alveg ágætur svona þannig séð. Vissuð þið t.d að afl sólarinnar má bera saman við 2 milljón milljón miljóna Búrfellsvirkjanna. Nei það vissuð þið ekki og ykkur hlýtur að hafa liðið illa að hafa ekki verið með þetta á hreinu..........ég varð samt illa svikinn ef þessi fróðleikur um sólkerfið kemur sér ekki einhvertíma til góða, þó ekki væri nema geta lagt orð í belg á einhverjum tímapunkti í framtíðinni og hananú....... ( Dæmi: " Nei árið á Mars er 687 dagar")

Annars 10 dagar í jólafrí. Ekki skilur þar að nema 8 stk próf og talsverð leiðindi sem þeim fylgja, hvað er það á milli vina ?

Svar: báðir banka og banka en komast aldrei inn.

Massa þetta gamli tréhestur................

Verkvitið talar ................

Jæja þá er mar farinn í Úthlíðina og vonandi tekst manni að koma endurlærður eftir þessa ferð á þriðjud – miðvikud.

Einn uppí sveit
Með bækur að vopni
Í pottinn ég leit
.........................


Ææææ marrrr, ég kann ekkert að raða svona saman á stuttum tíma. Endilega botnið eða komið með létta ferskeytlu hér á kantinn.....bling bling.


Later

Dræverinn á ferðinni..........

Vinna í dag, Nylon og Jagúar héldu uppi stemmingunni, Bubbinn átti að vera sýnilegur líka en lét sig vanta ( spurning hvort það tengist Dv í dag ?)
Já já já Annars alveg snar venjulegur laugadagur. Stefnan tekin á bústaðinn í fyrra fallinu á morg. Ég er nú samt eitthvað að spá í að gera eitthvað í kvöld, án áfengis náttlega......Ekki spurning, í lagi að bjalla ef það er eitthvað.

Ég vill benda fólki sem er endalaust í sukkinu og blindfullt á plönunum allar helgar og á hraðir leið til helvítis á “alþjóðlegu AA-ráðstefnuna sem haldin verður í Toronto, Kanada 30 júní til 3 Júlí 2005. Hægt er að nálgast meiri upplýsingar á eftirfarandi slóð: ........
"


En annars sýnist mér að það verðu nóg að gera hjá manni í jólafríinu fyrir utan það sem tengist djamm heiminum. Verð náttlega að vinna slatta svo ætla að reyna að flísaleggja smotterí ásamt því að koma upp græjum á baðherberginu. Finnst fólki eitthvað athugavert við það ? Ég er búinn að hanna þetta gróflega og ætla að versla tækið á morgun. Held það verði ljúft að liggja í baðinu með fréttablaðið í annarri og vatnshelda fjarstýringuna í hinni. TOPPAÐU ÞAÐ.

Ekki vandamalið sko...........

Er slakur eins og bráðið smjör

Það held ég að kallinn sé stabíll. Hef ekki einusinni hugsað um öl né aðra áfenga drykki hvað þá neytt þeirra....ekki að ræða það...Mar er ekki einn af þessu pakki sem er blindfullt um helgar og veit ekkert í sinn haus......nei nei nei......


4SETINN lengi lifi húrra húrra húrra....

Væri alveg til í hliðrun !

Jæja þá er allri kennslu á þessari önn lokið og bláköld prófin nálgast hratt. Fer í próf núna á morgun og svo ekki fyrr en á miðvikudaginn, þá kemur þetta alveg í bunkum. Ég ætla að reyna að hægja aðeins á tímanum með því að leigja mér bústað í Úthlíð og halda þangað ásamt sérlegum, tryggum aðstoðarmanni mínum Laxa og vera þar fram á Miðvikudag. Þar er ég laus við hluta af því áreiti sem ég vill kenna um að ekki gengur betur en raun ber vitni að liggja yfir bókunum..... Aðalega er það Tv og netið svo náttlega allt hitt. Það er pottur og allt klárt í bústaðnum og væri ljúft ef þetta væri svona hefðbundin bústaðaferð með nokkra kassa af öl ásamt Captain og Magic....Nammmmmmmmmmmmmmmmm. En þannig verður þetta líklega ekki í þetta skiptið.

Ég afrekaði í dag að versla mér nagladekk sem ég gróf upp á kassa og náði að prútta þau niður í 12 þús, rétt ný dekk og bara hörku díll bara...já já já ekki að spyrja af því. (En ekki eins og það skipti máli svona almenn séð og örugglega er þér alveg sama lesandi góður)



Smá pæling hér: Ef mar mætti bara nærast á einni gerð að mat í frekar langan tíma ( segjum eins og 3-4 mán ) hvað væri fyrir valinu hjá fólki svona almennt ?

Ég þekki suma sem hafa og geta lifað á morgunkorni svo mánuðum skiptir ! Ég held að ég myndi velja (ja það er nú það, held að það verði allt frekar leiðigjarnt með tímanum) Ætli venjuleg klessusamloka yrði ekki fyrir valinu hjá mér, mar getur lengi þrælað einni slíkri í sig..........

Sem betur fer fá nú ekki allar þær pælingar og hugmyndir sem mar fær að lýta dagsins ljós hér á blogginu. Held að mar yrði lokaður inni ef mar myndi láta allt vaða sko.

Hvar var hún tekin ?

Og hver er hvað og hvað

Hvað er ég eiginlega ?

Aldurinn er náttlega mjög afstæður og segir ekki nema kannski hálfa söguna. Og verð ég að segja að aldurinn getur verið frekar varasamur í návist kvenna sem mar telur kannski vera á aldrinum 21-24 eru ansi oft í kringum 17 ára, drengir munið að fá að sjá skilríki ef verið er í slíkum pælingum því þær ljúga sumar( segja þeir) !!!!!!!!!

Þegar ég fór að kaupa eingöngu svona herra sokka og hætti í þessum íþróttasokkum þá held ég að hafi orðið heilmikil kaflaskil í mínu líf !!!!!!!!!!!!!

Kall ?

Ég er nú rétt liðlega 23 ára og í hvaða flokk ætli ég skipist í. Er ég orðinn Kall ? nei ansk er það ? vill ég nú alveg skrifa undir það í þeirri merkingu sem ég túlka orðið kall. Er ég unglingur ? Nei held að ég sé nú skriðinn yfir þann flokk allavega segir aldurinn það, já ég er kominn yfir það sem við köllum ungling, fékk reyndar aldrei unglingabólur og sá kafli sem tengist mútum var eitthvað sem ég komst nokkuð þægilega í gegnum ( ætli ég eigi eftir að fara í mútur ) nei ansk !

Ég gleymi seint þeim tíma þegar mar var á unglingsárunum og það vara alltaf veið að segja að mar ætti að haga sér eins og maður en samt hafði mar traust á við unglingsdverg eða barn. Þarna var ég aðeins að losa á hjartanu, þetta hefur leigið mjög á mér síðan ég var 16 ára. Uffff mikill léttir þar á ferð. Já já já já

En allavega ég er nú fullorðinn að mestu leyti, þó að mar passi að rækta barnið í sér og hafi gaman að lífinu. Ég hef ekki áhuga á að hafa einhverjar óþarfa áhyggur af einhverjum smáatariðum og er þá frekar aðeins kærulaus á móti. Mottóið er bara að hafa gaman af af lífinu ( stórt, gott og langt partý).........Einn dagur í einu og vera ekki með eitthvað of mikið skipulag á öllu heldur bara spila úr hlutunum eins og þeir koma. Enn allavega sáttur við guð og menn ( flesta menn allavega )

Jæja efast um að þessi pistill hér að ofan hjálpi mér í Efnafræði prófi á morgun. Best að fara að renna yfir það eitthvað með engan öl sér við hlið.................

Á 5 tíma í kennslu eftir á þessari önn..........+ / - það er nú það manni.


Brostu á rauðu asninn þinn.....

Barbie hvað ?????????

Jæja fyrst að einhver hálfviti skráði mig á póstlista hjá NYLON ( voða fyndið hahahha) og það rignir yfir mig allskonar pósti frá þessu blessaða stelpubandi hef ég ákveðið að sýna ykkur hvað stelpurnar eru gera á næstu dögum til að fylgja þessari plötu, bók og ég veit bara ekki hvað eftir....Ætli það séu komnar dúkkur ?? Það má geta þess að ef rýnt er í dagskránna hér að neðan má sjá að þær verða í Expert á Laugardaginn Kl 16:00. Ég er einmitt að vinna þá, kostur / galli ? Þetta er í þriðja eða fjórða skiptið sem þær mæta þarna á svæðið..........já já já já já

Miðvikudagur 18:00 frumsýna myndband á Popptíví19:30 Rás2 viðtal Bein útsending

Fimmtudagur05:00 Fríhöfn áritun17:30 Áritun í Skífunni Kringlunni kl. 17.30 + 2-3 lög

Föstudagur17.30 Skífan Kringl áritun + 2-3 lög18:30 Kastljós - Syngja með Friðik Karlssyni

Laugardagurinn14:00 Skífan áritun í Skífunni Smáralind kl. 14.0015:00 Skífan Kringlan áritun og taka lagið 16:00 Expert áritun og taka lagið 20:00 Selfoss Nóatún í Nóatún Selfossi kl. 20-22

Sunnudagurinn13:00 hagkaup Smáralind kl. 14.0014:40 Jólaþorpið Hafnarfirði15:00 Skífan Kringlan áritun og taka lagið16:00 Skífan Smáralind áritun17.30 Jólamarkaður: Árita og selja diska á jólamarkaði laugalandi í holtum

Ég væri reyndar til í að fá að vita hver skráði mig á þennan blessaða Póstlista Nylon ?

Annars bara sama gamla ræman hér á bæ. Læri lær…………

Ég er svektur fyrir þína hönd...---...skora á þig að mæta !!

Hvaða helv dýpt er þetta mar.

Uhhhh Snilld dagsins er nýi diskurinn Encore með Eminem. Verð að segja að ég get hiklaust mælt með honum, gaurinn er Heili..........

Þessi dagur var allur tileinkaður námi og var því mjög spennandi fyrir vikið. Má geta þess að ég er að fara í munnlegt próf í Frönsku á morgun og er þetta einmitt hápunktur vetrarins. Væri kannski í lagi ef mar kynni stakt orð í þessu sérstaka máli.

Súrefnið sem mar hefur í þessari lokatörn byggist mestu á því að mar heitir sjálfum sér mjög svo góðum tíma eftir prófin, ef allt fer vel. Gæti verið að mar opni eins og einn bauk og jafnvel 2 í skjóli nætur í skúr bak við hús humm ha ! ! !


Langar aðeins að opna umræðu um baðvenjur hjá landanum. Ætla ég lýsa einni týpískri baðferð hjá 4SETANUM sem er svona morgunbaðferð fyrir skóla og væri gaman að vita hvort mín aðferð sé að einhverju frábrugðin slíkum ferðum hjá örðu fólki, hef nebblega heyrt á það minnst sko....

Byrja á að skola baðið og svo skrúfa ég frá af fullum krafti. Leggst í baðið þegar góður botnfyllir er kominn í og tek mér fréttablaðið í hönd og renni svona létt yfir það. Þegar ég er búinn að renna yfir smáauglýsingarnar og það nýjasta í fréttum er baðkarið orðið c,a hálffullt og þá opna ég fyrir rennsli úr baðinu aftur án þess að loka alveg fyrir rennslið en minka það þó svona um helming. Þannig hef ég eftir áralangar æfingar fundið hina gullnu stillingu á vatnsflæðinu í og úr baðinu þ.e.a.s það helst alltaf jafn mikið vatn í baðinu ásamt því sem ég fæ alltaf heitt of ferskt vatn. Þegar mér er farið að leiðast dvölin í baðinu eða tíminn er orðinn að skornum skammti þá minka ég ennfremur við rennslið í baðið ( mikilvægt að skrúfa samt ekki alveg fyirr og þegar ég er kominn aftur á byrjunarstað ( svona góður botnfyllir ) Þá stend ég uppúr baðinu og breyti þessari baðferð í sturtu á aðeins nokkrum sek. Þegar þangað er komið þá fer fram þvottur o.s.fv.

Við hátíðar baðferðir má notast við froðu ( fara í freyðibað ) og ýmislegt fleira sem hægt er að gera til hátíðarbrigða en ætla ég ekki að fara nánar í það hér......


Hauksson.........Já þessir sunnudagmorgnar komu alveg aftanað mér og er stefnan ekki að upplifa þá neitt mjög marga eftir þessa próftörn....... Er ekki málið að reyna að taka eitt gott mission saman þegar líður á des ??


Snúning núning það var nú meiningin.....

Svo það eru til sunnudagsmorgnar líka !!

Er ég búinn að missa af miklu undanfarna Sunnudagsmorgna ?
Ég var svona alvarlega farinn að spá í því hvort þeir væru ekki til lengur en í morgun þá upplifði ég einn slíkan og þarf því ekki að spá meira í það, það getur verið að þessi upplifun mín tengist því að ég er í þessu mikla bindindi sem er eitt það stærsta sunnan alpa. Já já já já já.

Lífið í hnotskurn hjá manni þessa dagana og næstu 2 ½ vikuna er bara að reyna að beita öllum mögulegum og ómögulegum ráðum til þess liggja yfir bókunum. Ég er meira að segja að hugsa um að prufa mjög sérstaka aðferð núna uppúr næstu helgi ( kemur betur í ljós síðar)

Ég renndi aðeins á Þrúðvanginn um á föstudaginn. Alltaf gaman að droppa við og ekki skemmdi það fyrir að húsmóðurinn á heimilinu var búinn að baka 3 eða 4 sortir af jóla smákökum.já já já já svona aðeins til að koma manni í jólaskapið....Það er reyndar ekki eins og ég sé ekki líka búinn að baka hér í holtinu, Lagkakan er einmitt í ofninum núna og að auki er ég búinn að baka 8 sortir, laufabrauð og kann ekki að nefna allar kræsingarnar á nafn og hananú.

Ég er eitthvað svo mikið að hugsa um framtíðina núna, þ.e.a.s hvað mar á að leggja fyrir sig að loknu stúdentsprófi og þar fram eftir gögunum. Það kemur eiginlega ótrúlega margt til greina að það verður eitthvað fróðlegt að sjá hvernig það endar ( það er margt verra en að vera kassastarfsmaður í Bónus, og hugsið ykkur að ef mar yrði valinn starfsmaður mánaðarins þá gæti mar dáið sáttur ) Og svo er spurning hvort mar reyni að fara í næstu stétt þar fyrir ofan. Að blása poppi í bíóhúsum bæjarins er eitthvað sem ég hef ekki heldur útilokað fyrir ævistarf( þar fylja mikil fríðindi sem ber að taka inní dæmið eins og ein og ein ókeypis bíóferð.

Fyrir þá sem eru svo óheppnir að vita ekki hvað það er að blása poppi þá er það að labba um bíósalinn með hjúst blásara á bakinu og blása öllu poppi og drasli niður í eitt hornið og moka því svo í svartan ruslapoka. Mjög gaman já já já já

Fréttir af Galaxy Stalone.

Laxi dafnar bara mjög vel hér hjá mér og biður hann fyrir kveðju. Sambúðin gengur að mestu eins og í sögu, þó hefur komið upp smá ágreiningur því hann vill hafa uppáhalds myndina sína í sjónvarpinu allan daginn ( leitin af Nemo) en ég sem húsráðandi að ég tel er ekki hrifinn af því. Það má nú ekki láta allt eftir þessum greyjum þá er hætt við því að baráttan við þau á unglingastiginu verði ansi erfið.

Uhhhh ef einhverjum vantar sjónvarp þá á ég eitt 32” ca 2 mánaða Panasonic tæki sem ég hyggst selja því ég ætla að fjárfesta í skjávarpa. Ég kenni nýja sófasettinu um þessar pælingar því það skyggir á tv. Tækið fæst á góðu, ekki spurning. ( ekki halda að ég hafi gaman af þessu veseni )

Stattu þá bara á þínum.......

Öllum borgið..........hefði nú haldið það

Jæja það var bara vaðið í að kaupa nýjan bíla í dag. Held að þetta sé næst ljótasti bíll sem ég hef átt ( toppar ekki Opel Corsu enda var það konubíll :-) En hvað um það bíllinn er ágætur að öðru leyti og nú vonandi getur mar farið að hætta að pæla í þessum bílamálum fram yfir próf allavega, virðist oft þurfa að vera akkúrat í bílaviðskiptum á próftíma. Ég var að telja saman hvað mar hefur átt marga bíla í gegnum tíðina og fæ ég upp töluna 15. Hélt að það væru nú fleiri ( getur reyndar verið að ég sé að gleyma einhverjum )

Já nýi bíllinn er Nissan Sunny, alveg svona ekta námsmannabíll. Ekki nóg með það þá er ég að spá í að stofna svona Sunny klúbb. Inntökuskilyrði eru að eiga Nissan Sunny 4 dyra. Þeir sem eru sjálfkjörnir í klúbbinn eru Diddi, Kobbi, Tommi og svo náttlega ég. Ég held að ég sé sjálfkjörinn formaður því bíllinn minn er nýjastur af þessum eðalvögnum já já já ja..........Fundar verða haldnir 4sinnum í viku og er æskilegt að mæta á Sunny bílunum ný bónuðum ( ekkert persónulegt Kobbi ) og að sjálfsögðu í Sunny gallanum sem við eigum og með Sunny derhúfuna, ekki spurning. Á fyrsta fundinum kjósum við ritara og gjaldkera og svo náttlega venjulega aðalfundastörf. Fundurinn verður haldinn í gull salnum hjá Ingvari Helgasyni. Hlakka til að sjá ykkur félagar.


munið að lífið er Sunny

Hef bara ekkert um málið að segja

Hvar er bakkgírinn ??

Ohhh........

Mar er nokkuð sáttur með að fá snjóinn bara, það birtir yfir öllu og svona smá jólastemmari gerir vart við sig.

Þegar ég kom keyrandi heima núna seinnipartinn hefði ég gefið ansi margt fyrir það ef einn fjórfættur hefði tekið á móti mér þegar ég opnaði útidyrahurðina. Hann hafði mjög gaman af því að komast út í snjóinn og ekki þótti mér það verra að tætast í honum hér um hverfið eða útá golfvelli..............................................

Þær eru mjög skrýtnar þessar minningar og skjóta bara upp kollinum öðru hvoru og þá rifjast upp alveg fullt af alls konar skemmtilegum atvikum sem er reyndar gott að eiga þegar annað er ekki eftir.

Verð að segja að það er ótrúlegt hvað þessi dýr tengjast manni og skilja af sama skapi eftir risa stórt tóm þegar þau yfirgefa mann. Held að þeir skilji sem átt hafa og misst hvað ég er að tala um.

Frekar dapur e-d

Hver er sinnar gæfu smiður..

Æi....mikið að gera í skólanum og eins spennandi og það getur verið, ég reikna reyndar með því að fara að færa mig úr holtinu til að stunda lærdóminn í von um að það gangi betur. Eins og það er lítið áreiti á mig hér þá er það of mikið, Tv og netið það er of mikið fyrir mig. Ég á eftir að ná betri sjálfsaga með heimalærdóminn það er alveg ljóst, fer samt skánandi sko.


Get ekki annað gert en að benda fólki sem hefur trú á kallinum að læðast inná bloggið hjá Leifa og kjósa í könnuninni þar, þeim sem vantar trúna bendi ég á þennan Link !!!!!

--------------------------------------------------


Held þú eigir eftir að sjá eftir þessu !

Takk fyrir síðast................!

Úlfur úlfur segja kannski sumir þegar ég tala um bindindi ? Allavega er kallinn kominn í slíkt núna og stendur það til 9 Des og hana nú, það er ekkert sem fær því breytt og mun ekki svo mikið sem einn sopi verða innbirgður hér á bæ fyrir þann tíma.. já já já já já KALLINN...................

Helgin góð ? Já....

Föstudags kvöld. Mar bara akandi um götur bæjarins og keyrði meðal annars byttuna kennda við Dýr sem finnur í miðbæinn ásamt nokkrum klikkuðum snyrtifræðingum verð ég að segja......Mar átti ekki orð en allavega voru þær mjög hressar....

Fór svo í Keilu og ætla ég ekki að eyða fleiri orðum í það.

Laugardagskvöld....Massi massi massi...Var nokkuð gott við fórum nokkrir velvaldir einstaklingar og sýndum okkur og sáum aðra á plönum bæjarins. Kvöldið var algjör snilld en það kom samt þoka þegar leið á kvöldið, það slapp samt og fór nokkuð vel fram að mestu.

Í dag var svo þunn vinna og ekki sú fyrsta á árinu ( eða hvað). En kannski frekar mikill sunnudagur í manni eftir vinnu......Þóroddur kemur að góðum notum á svona dögum. Já já já. Það má kannski segja að hápunktur dagsins hafi verið fyrsta líkamlega snerting mín á Galaxy Stalone. Já það var þannig að hann slapp ofaní bað hjá mér og upphófst smá barátta að koma honum aftur ofaní búrið ( fór allt vel ) Þetta varð til þess að við erum nánari á eftir og traustari félagar, við erum sammála um það.

Billi á afmæli í dag og á hann hér mikla og stórbrotna gjöf sem bíður eftir að komast í hans hendur.

Fingrafar.

Svona sitt lítið af hverju þó aðalega ekki rass.......

Það er mest lítið í gangi hér á bæ....Mar er eitthvað að reyna að hanga yfir námsbókunum en það gengur svona la la eins og þeir segja.

Dagurinn í dag er merkilegur fyrir margra hluta sakir og verður hans væntanlega minnst í framtíðinni sem Dagurinn þegar bókin 100% Nylon kom út. Ég á von á að þessi dagur verði haldinn hátíðlegur hér eftir á Íslandi og svo seinna meir um allan heim. “Bókin er rétt tæpar 100 síður sem eru stútfullar af nýjum myndum og skemmtilegum sögum frá stelpunum”. ( ekki slæmt það.)



Maður er rekinn harðri hendi í helgartiltekt einusinni í viku og er ég eitthvað með annan fótinn í því eins og er. Hvaða völd getur einn Gullfiskur haft?????
Laxi er svo mikill snyrtipinni að hann rekur mig í þetta og segir að hann fremji sjálfsmorð ef ég hlýði ekki, hvernig ætli hann fari að því ? Ekki drekkir hann sér hahahhahaha þessi var góður eða þannig.

Mar svona létt, nett, þétt spenntur fyrir Lau kvöldið fyrst Billa tókst með herkjum að plata mann í þetta eitt skiptið enn.........Hvað gerir mar ekki svo félögum mans líði betur ?

Og lífið það var bratta brekka endalaust.

Haltu íann þá......

Ekki galið að sleppa þessum efsta pistli hann er þreyttur, þungur og boring.

Er í alveg drullu fúlu skapi eftir að hafa verið að reyna að mixa bílaviðskipti í dag en bílasalinn sem er náttlega bara fífl stoppaði þann pakka rétt áður en við skrifuðum undir því honum fannst greinilega að ég væri að græða á honum og hinn að tapa ...........Hann tuðaði bara í eigandanum að hugsa um málið betur, sagði að þetta væri nú ekki gott verð sem hann væri að fá fyrir bílinn og að það væri ekki hægt að hætta við eftirá . Drengurinn sem ég var að í viðskiptum við bað bílasalan ítrekað að ganga í söluna og klára málið en fíflið sem kallast bílasali náði á svona 10 mínútum að fá eigandann að hætta við skiptin........ (tek það fram að þetta var bara nokkuð fair díll og það var hinn gaurinn sem bauð mér hann og ég samþykkti bara )

Æi efast um að þið skiljið eitthvað í þessu hér að ofan, þurfti bara aðeins að koma inn á þetta til að létta á mér eða eitthvað..............

Nóg af pirringnum


Það hlýtur að vera blússandi framtíð í því að vera sálfræðingur i dag. Ég las um daginn að mikið af liði í Bandaríkjunum væri einmitt að leita sér aðstoðar eftir forsetakosningarnar .......Já spáið í því hvað það hlýtur þá að vera margt annað sem rekur fólk á stað til slíka funda ef þetta er nægileg ástæða........

Ég var alveg laus við það að kjósa Grísinn á dögunum en held að það hafi aldrei hvarflað að mér að panta tíma þrátt fyrir bagaleg úrslit ( var reyndar ekki margt gáfulegt í boði, jú auðvitað Ástþór.) HUMMMMMMMMMMM ....................

Það var eitthvað við hljóðið sem kom þegar ég opnaði Magic dós rétt í þessu. Kem því ekki alveg fyrir mig og þó, mar er eitthvað að myndskreyta með vatnið í munninum..........................

Kengandi Kengandi já já

Þessi hóst að ofan drepa mig...

Klukkan að verða tvö.........Ég sem ætlaði að gera svo miklu miklu meira eftir skóla en úr varð..............Náði þó að læra smá slatta, Elda frekar góða Lambasteik með berness og tilheyrandi sem við Ingó hlóðum okkur út af, fór svo í ræktina og lærði aðeins meira en ekki nærri eins mikið og ég ætlaði. Held að ég verði að fara að leggja það á mig að skipuleggja mig til að komast í gegnum allt þetta........13 kennsludagar eftir...skondið að alla önnina kvartar mar yfir því að þetta líði ekki rass en svo þegar styttist í próf óskar mar þess að hafa lengri tíma ( er örugglega svona hjá öllum )........Held það sé aðalega eitt orð kannski tvö sem er um að kenna.......Skipulagsleysi og leti.
Ætla nú ekki að fara að væla þetta hér alla daga fram yfir próf því þetta er nú ekki svo slæmt og svo eru nú flestir í erfiðara námi..........


Almennt séð hvernig væri nú að menn færu að huga af því að grafa upp jóladiskana, þurrka allavega af þeim mesta rykið. Þar er nú ekki langt í það að jólahjól fari að bergmála í hausnum á manni......svosem margt betra og verra líka.....já já já já já.
Ég er ekki frá því að ég eigi hér einhverstaðar jólasveinabúning sem hægt er að fara að spóka sig í fljótlega og reikna ég með því að nota hann óspart þetta árið.


Í sambandi við n,k lau kvöld þá sé ég það að Birkir er alveg sjóðandi að komast á djammið og Óli er til í slaginn heyrist mér ? og væntanlega fleirri...Það skildi þó aldrei vera að það fara svo að mar hliðri til um eina helgi fyrir afmælisbarnið. Mar er góð sál og leggur margt á sig fyrir vini sína...........................ég hefði nú haldið það.

Þarf nokkuð að minna það fólk sem hér er á ferðinni að kvitta fyrir sig....er það ekki bara sjálfsögð kurteisi ............ég hélt það.


Ætli það sé til að fólk skilji útaf hlutum eins og hósti ??? Þá á ég við ef annar aðilinn hósta standslaust( já eins og að hann sé í akkorði ) ....Bara smá pæling...........



Ekki í myrkri, gleymdu því.....

Hollin skollinn .........

Uhhhh mánudagar eins þreyttir og þeir geta mögulega orðið...rigningar helv og orðið dimmt um hálf 5, mar lýtur á dagatalið og ekki er það yndisaukandi það er víst 8 nóvember og ekki nema 20 dagar í próf alveg frábært, held mar verði að fara að strekkja á axlarböndunum og taka plastið af bókunum ef ekki á illa að fara. Þetta líður ekki eðlilega hratt..................


Annað

Ég er í smá veseni með hann Laxa greyið hann gerir ekkert annað en að biðja um kærustu og veit ég ekki alveg hvernig ég á að bregðast við. Það er varla svefnfriður fyrir háværum kröfum hans og er mér það í raun hulin ráðgáta hvernig hann framkvæmir þennan hávaða. Ef einhver hefur lent í svipuðu eða hefur ráð þá eru öll slík vel þegin.


Og enn

Birkir er strax farinn að reyna að hliðra til bindindinu og vill hann þá skýla sér á bak við það að hann á afmæli næsta sunnudag og þá telst æskilegt að vera ba-lekaður aðfaranótt sunnudags að hans mati. Þetta kemur mér ekkert á óvart og verður gaman að sjá hvernig þetta fer, finnst hæpið að það sér hægt að plata mig í slíkt flipp...mar er nú þessi rólega týpa sko já já já já ja já


Bjúgvarpill ekki Bjúgverpill ?

Og ekki klikkaði sálin....

Jæja þá getur sá hluti af lesendum mínum sem finnst að ég fái mér of mikið og oft í tána andað léttar. Í gær var nebblega svona stormur á undan logninu já já já já, mar er víst að smella í pásu í þessu sulli fram yfir próf eða til 9.des. Þetta er svona árleg þurrkví sem mar skapar sér sjálfur tvisvar sinnum á ári í kringum prófin. Þetta er nú eitthvað sem ég hef ekki mikið fyrir að gera annað en sumir ?

Ég og hinn blauti Billi ætlum að smella okkur í þetta saman og verður gaman að sjá hvað hann endist lengi í þessu. Held að það verði max 10 dagar !!!!!!!


Á lofti undir ?

Birkir bloggar....................

Stutt hugleiðing.

Call me on. Sumir munu hringja bjöllum en sennilega færstir. Já tetta er myndbandið sem við allir horfum á en erum allir eru á sama máli um að sé ómögulegt (þegar einhver kvk sér eða heyrir) en annars, auðvitað er þettað alvöru. OG ekki bara hver sem er heldur e-r sem e-u máli skiptir. Ég ætlaði að koma með eitthvað djúsí sem mitt fyrsta blogg en núna er ljóst að.......................... Það er verið að reka á eftir mér og ég fæ ekki að segja það sem ég vildi svo gjarnan segja. Hvað það verður og hvað það er munA koma síðar. Við erum ekki að þala um nein smámál, heldur byrja þau á gol, jer, bi, feit, mel, helvít, os, dur, ofl. OG GETIÐ NÚ!!!!!!!!!!!1

Þarf ekki bara smá lagni eða..........

Er svona að reyna að átta mig á tilgangi með því að blogga ef mar hefur ekkert að segja .....Held að sé bara betra að sleppa því bara eða hvað ????????

Oft eru useless hlutir bókstaflega límdir í hausinn á manni og mar getur ekki losnað við þá á meðan aðrir gjörsamlega geta ekki tollað á sínum stað, oftast eru það hlutirnir sem mar þarf að muna. Það eru reyndar alveg ótrúlega margir hlutar sem festast í kollinum á manni og er í raun ótrúlegt magn af tómri steypu sem rúmast þarna.

Minningar hjá manni eru eins misjafnar og þær eru margar...Stundum væri gott að geta bara þurrkað allt það slæma út. Gott væri að geta breytt því liðna eða allavega sumu. Hvorki ég né nokkur annar sem ég veit um eru svo heppnir að gera aldrei neitt sem þeir sjá eftir eða vildu fá að leiðrétta eftirá......en svona er þetta víst bara...Og vinsamlegast lifið með því. Fólk getur þroskast og bætt sig en ekki breytt því liðna eftir því sem ég best veit allavega.......


En hvaða þyngsli eru þetta hér að ofan.......Er ekki að detta inn föstudagur og þá er varla hægt að vera svona djúpur og klisjukenndur..............


Karlsvagninn

Og hvað......hvernig er það

Jæja er víst ekki á leið til Köben í þetta skiptið. Það var niðurstaða úr leynilegum fundi tveggja alvarlegar manna seinnipartinn í dag. "Látum það bíða betri tíma vegna anna" má segja að hafi verið kjörorð fundarins....

Listin að vaska upp.

Já nú segja kannski sumir er það einhver list. Svarið er já, Lélegur uppvaskari á frekar að sleppa því að vaska upp en að gera það illa. Hef reyndar heyrt þetta um mitt eigið uppvask hér áður fyrr ( það má svo aftur segja að með því að vaska illa upp getur þú komið þér undan uppvaskinu því þá ertu óþolandi uppvaskari eins og ég kýs að nefna það). Það er allt annar handleggur og kalla ég það leti.

Af einhverjum ástæðum hef ég ekki áralanga reynslu við uppvask en er þó að koma undir mig fótunum jafnt og þétt í þeim málunum. Ég mæli með því að meðan á uppvaski stendur að þið hugsið ekki um annað á meðan og helst að slökkva á sjónvarpinu og taka síman úr sambandi ef kostur er á. Uppvaskarar keep on good work og látum ekki mótlæti á okkur fá. Þið þarna úti og sérstaklega karlmenn sem finnið sting í hjartað við lestur þessarar greinar vinsamlegast takið upp hanskann ( þvottahanskann) og njótið listarinnar sem uppvaskið er......

P.S Gleymið aldrei að vaska diskana upp beggja megin, það er óþolandi.


Bushinn hafði það... + eða - , það er nú það

Köben....ekki Köben....Köben....ekki Köben

Jæja það gengur eitthvað illa að fá niðurstöðu í þessa Köben ferð, það er víst bara tvennt í boði að fara eða fara ekki. Verður ákveðið á morgunn ( ekki seinna vænna, þarf víst að láta Carlsberg verksmiðjuna vita í tíma ). Ef að verður þá fer mar sennilega á föstudegi um 2 leytið og er svo kominn aftur á klakann eftir hádegi á mánudaginn.

Annars bara miðju-viku-dagurinn að detta inn og er það sífelld ánægja sem honum fylgir......hann kemur með vorið með sér í hverri viku.............. já já já já já....

Ætla að glápa eitthvað frameftir á kosningasjónvarpið og sjá hvernig þetta fer af stað ( skólalega séð er betra að þetta verði leiðinlegt og lítt spennandi ) annars gæti mar orðið frekar þreyttur á morgunn.

Spáin í holtinu er á þá vegu:



4SETI = Bush

Galaxy Stalone (Laxi) = Kerry



Stadíska er okkar fag

4SETI.....................

Stallur stalls. Ömurlega þreyttur mánudagur, mar gæfi mikið fyrir það fá alltaf alla mánudaga í slökun, nota þá aðalega til að sofa, horfa á tv, og gera ekki rass nema kannski að panta pizzu ef mar myndi nenna. En lífið er víst ekki fullkomið þó það sé massa gott sko.

Ég er svona nokkuð spenntur yfir þessum forsetakosningum í Bandaríkjunum en veit hreinlega ekki hvorn ég myndi kjósa ef ég væri að ganga að kjörkassanum, jú líklega samt ! þeir hafa alveg pottþétt sína ókosti báðir tveir og vonandi einhverja kosti... Þessar kosningar eru ekkert smá mál fyrir heiminn eins og hann leggur sig. Ég tel að innrásina í Írak hafa átt rétt á sér útfrá þeim upplýsingum sem hinn almenni borgari hafði á þeim tíma þegar hún var gerð. Eftirá er auðvelt að gagnrýna og spyrja hvað voru Bush að hugsa, Írak fyrr og nú ?????? .......Hef reyndar mjög gaman af rökræðum um þetta mál. Það eru endalausir vinklar á því, ég nenni ekki að skrifa meira um það í bili er farinn í bælið.

Kosningarnar snúast víst ekki bara um Írak, held samt að Bush nái endurkjöri.

Það eru ekki margir menn í heiminum valdameiri en forseti Bandaríkjanna á hverjum tíma.................Kannski hinn eini sanni 4SETI............humm ha



Loftbólu Bína.