Baun............

Getur verið að mar sé eitthvað að misskilja ??????? svona almennt séð, þannig séð.......?

Það eru nokkrir hlutir sem ég held mar sé ekki að höndla rétt, ætla nú ekki að fara að fara ofaní það allt hér nema kannski það að venjulegt væri kannski að nota þessar helgar til að hlaða batteríin og mæta svo sprækur í nýja skólaviku. NEEEEI frekar þarf mar alla skólavikuna til að ná að hlaða eftir helgina og fyrir þær næstu.....Er alveg að mygla úr þreytu.

Mar kann sig !

Helgin var alveg pottþétt og var eitt og annað gert sér til dundurs og var það nú samt flest gert í nánu sambandi við félaga Öl. Það voru teknir púlsar á plönum bæjarins og jafnvel bæði kvöldin........Harkan sex mar !!!!! Á föst var rennt við í keilu, ég Garon og Gilli... Ekki þarf að hafa mörg orð um það nema að ég rústaði þessum ræflum, svo var kíkt á eins og eina ölstofu !!
Í gærkvöldi voru svo við frændurnir ásamt Billa og kobbs á ferðinni og var tekið létt á því og er ég ekki frá því að þetta hefði verið enn betra ef Danakonungurinn hefði verið á svæðinu.........

Danakonungur já.....Það er jafnvel stefnan um næstu helgi að leyfa danaveldi að vera þess heiðurs aðnjótandi að fá kjjjallinn í heimsókn. En það kemur betur í ljós seinna. Á eftir að redda fríi í vinnunni og þannig. Billi er svona nokkuð heitur að renna með manni og hef ég ekki trú á því að hann missi af Party af þessari stærðargráðu......

Fyrirtíðarspenna What

Happy hallowen

Jæja þessi blessaða heimildarritgerð hafðist fyrir rest, ég var búinn að áætla í hana svona 2-4 tíma en þegar upp var staðið var ég búinn að eyða í kringum 15 tímum í hana. En nóg um það.

Það er föstudagur og er stefnan tekin á að kíkja á bæ hér í borg og sjá svo hvað kvöldið hefur uppá að bjóða. Laxi ætlar að sjá um að passa húsið og hef ég nú ekki áhyggur á meðan hann stendur vörð, hann er orðinn þvílíkt massaður og stæltur og er greinilegt að það ætlar að verða eitthvað mikið meira en venjulegur gullfiskur úr honum eins og ég vissi alltaf. Ég er að spá í að bæta við nafnið hans og kemur þá uppí hugann hjá mér nöfn eins og Arnold Laxi eða Laxi Stalone. Hvort hljómar betur ? eða eruð þið jafnvel með fleiri tillögur ?

Allavega vinnuhelgi framundan eins og allar aðrar helgar en er að spá í að skoða það að bregða undir mig þeim betri á morgunn, þá sjaldan mar...........................

Er nokkuð kominn endir

Ohhh shitttttt!!!

Salmónella gella

Ertu dottinn í gírinn gamli ?????

Nú líst mér á kjjjallinn.....Jæja nú er mar að hamast við að sanka að sér efni og upplýsingum um Salmónellu. Já mar spyr sig....... er þetta nýtt áhuga mál hjá 4setanum ?
Nibbs ekki er það nú alveg, Ég er að vinna að heimildarritgerð sem á að telja 4-5 síður um áðurnefnt efni og á að skila á föstudaginn. Þeir sem þekkja mig trúa kannski ekki að ég sé með þetta á síðasta snúning, en svona getur víst gerst á skipulögðustu bæjum , ég fékk þetta verkefni fyrir einum og hálfum mánuði og var að byrja á því núna eftir miðnætti, þá er sko kominn fimmtudagur (dagur fyrir skil)
Já sveimér þá ef mar er ekki að fara að herða takið aðeins á náminu svona fyrir prófin, ég búinn að færa tölvuna frá sjónvarpinu og inní herbergi svo það er allt að hrökkva í gang. Já já já já já já.

Klukkan er rúmlega 2 og ég fer reglulega útí glugga til að fylgjast með tunglinu, það er almyrkvi í kvöld og er staðan eins og er að það er ¾ af tunglinu orðinn hulinn. Ég ætla að fara að kíkja útfyrir og vera í meira myrkri þegar það lætur sig hverfa.

Manni er bara skratti kátur í bragði og er ekki laust við það að það sé að skella á helgi í lundafari hjá honum já já já já já. Jæja ég ætlar að skella í mig tígó svo dríf ég mig útí nóttina valhoppandi og reyni að kreista fram spékoppa fyrir allan peninginn.......



Ekki erða varða.

Sá á völina sem og kvölina nemann hætti við allt saman

Já já ég verð að segja það............... Var að koma úr vetfangsferð með skólanum. Mættum kl 9 í einhvern skóla á seltjarnanesinu þar sem staddur er stærsti stjörnusjónauki á landinu , ég varð nú fyrir hálfgerðum vonbrigðum með kauða því ég hélt að hann væri voldugri en raun bar vitni. Ég er reyndar mjög hissa á því að íslendingar skuli ekki eiga einn almennilegan stjörnusjónauka sem væri þá ekki staðsettur inní bænum ( það er mikil ljósmengun sem truflar við skoðunina hér í bænum ). Allavega var nokkuð gaman að prufa þetta og var sérstaklega gaman að sjá tunglið, það sást mjög vel.....

Fyrst ég er byrjaður á einhverjum þreyttum stjörnupistli þá vill ég minna fólk á að næstu nótt kl 12.06 byrjar tunglmyrkvi og líkur honum kl 06.08. Ef það er ekki ástæða núna til að vaka eina nótt þá veit ég ekki hvað..............Hummmmmmm

Ástir og átök nördanna................köflótt skyrta og hárið límt til hægri..mar sér þetta fyrir sér....

Tíminn líður og er ekki orðið langt eftir af skólanum....dead-line og aftur dead-line .......Þau hrúgast á mann núna og mar er víst ekki einn af þeim sem vinnur öll verkefni um leið og mar fær þau í hendurnar............því miður kannski.....

En jæja held ég verði að segja það að þetta er leiðinlegasta blogg sem ég hef skrifað, vona að þau verði ekki fleiri svona döpur.....

Nagaður öskubakki.

Finnst þér að ég eigi að byrja þessa helgi á þriðjudegi ????

Uhh var að koma úr sveitinni og var farinn að sjá allskonar ofsjónir á leiðinni í bæinn, var alveg að sofna. Sá blái kom mér samt heilum í holtið, enda sá ég að í afturrúðunni er límmiði sem á stendur “ Suzuki afl og öryggi ” þannig að þetta var kannski aldrei spurning....Lenti reyndar í því að þegar ég var lentur í firðinum keyrði Herbert Guðmundsson þvert fyrir mig á svörtum Benz, ætli það boði ekki ógæfu ???

Laxi var alveg snar lifandi þegar ég kom heim og fagnaði hann mér eins og honum einum er lagið , ég hef nú aldrei farið svona langt frá honum í km talið þannig að það er skiljanlegt að hann hafi verið ánægður að sjá pabbalinginn ......

Jæja hættur þessu bulli. Það kemur víst ekkert af viti uppúr manni ( óvenjulegt )

Ég minni fólk á að greiða afnotagjöldin.

Skrifborðsstóllinn

Uhhh helgin var nokkuð góð en þó í rólegri kantinum þannig.....Ég og brósi fengum okkur nokkra á föstudagskv og kíktum í pool......úrslitin verða ekki gerð kunn hér og nú........Á laugardagskv renndi ég svo í keilu með Sæma og auðvitað sigraði ég með þvílíkum yfirburðum að það vakti athygli í allri öskjuhlíðinni já allri !!!!! Svo var aðeins kíkt í bæinn en samt komið snemma heima í holtið.....................Mar svo dannaður alltaf.....

Hvað eru þessir blessuðu kennarar að meina. Ok má ég sjá, ég ætla að fara í háskólanám að loknum framhaldsskóla og ætla að hafa góðar tekjur í framtíðinni, já jafnvel bara alveg úper tekjur..............Herru þá held ég að rétta svarið liggi ekki í því að gerast kennari. Ég skil ekki alveg hvað fólk er að spá... Held að þeir sem gerast kennarar ættu svona nokkurn veginn að vita hvaða launum þeir ganga að af loknu námi. Ég er alls ekki að segja að það sé eitthvað auðvelt að vera einn slíkur og auðvitað eiga þeir að hafa það ágætt. Ég væri mikið til í að sjá útreikninga á meðalkaupi hjá kennara sem hefur verið í starfi í c,a 10 ár og með bónusum og tilheyrandi aukagreiðslum sem og taka þann tíma sem þeir eru í sumarfríi á launum inní meðal launin.......Ég held að útkoman sé í mörgum tilfellum alveg ásættanleg og þessar kröfur sem þeir fara frammá núna eru í allra allra hæsta lagi.................Finnst mér sko.
Vek svo líka athygli á blaðaviðtali sem birt var í fréttablaðinu um helgina við grunnskólakennarann sem taldi sig þurfa að dýja tekjurnar og selur því blíðu sína samhliða því að vera kennari..........Svo það er ekki eina lausnin að fara í verkfall !!!!


Hvernig er það er hægt að fara á svona sjálfsaga og skipulags námskeið ?????? ef svo er þá væri ég til í að fá eitt þannig í jólapakkann í ár. Ætli það kallist harður eða mjúkur pakki ? Og fyrst mar er farinn að tala um jólin á annað borð þá spái ég hvítum jólum í ár....já já já já

og eitt enn....ég fer í jólafrí 10 Des já já já já já

Látlaus ------- Lauslátur

Láttu gott af þér leiða asninn þinn........

Ekki hægt að kvarta þegar mar vaknaði í morgunn frekar en aðra föstudaga. Mar reis úr rekkjum með bros á vör og fann ilminn af Öxxxu leika um loftið. Helgin sem framundan er verður væntanlega eins og þær flestar hjá manni, vinna og vonandi mar ath aðeins stöðuna á miðbænum ( allavega á laugardagskvöldið og væri í lagi að heyra frá fólki sem er í sömu pælingum ).

Jæja Billi nú reynum við að fá botn í þetta lifrapylsu litamál. Ég komst einmitt í slátur hjá Dýu og Garon á fimmtudagskvöldið, það var mjög gott og held ég að við Garon séum ennþá að jafna okkur eftir ofátið. En þá komum við aftur af Billa og hans litblindu. Við urðum ósammála um litinn á lifrapylsunni annar okkar taldi hana gráa og hinn brúna. Nú legg ég það í hendur ykkar lesendur góðir að úrskurða í þessu máli með því að segja hvor litinn þið teljið á henni með commenti................

En annars bara allir góðir og mæli með því að allir sem lesa þetta commenti um stóra lifrapylsumálið og jafnvel líka um stefnu helgarinnar..........

Lifist í lukku og jafnvel smá ba-lekun...........................

Fall á eigin bragði.......já

Er Laxi klofinn persónuleiki ?????? Ég sit hér heima og er að reyna að sálgreina bardagafiskinn Laxa. Stundum finnst mér ég sjái andlit af manneskju þegar ég horfist í augu við hann, þá er hann eins og maður sem er að drukkna og vill endilega komast uppúr búrinu sínu og helst láta klæða sig í smekkbuxur og jafnvel láta smella á sig derhúfu. Svo hinn karakterinn sem ég sé stundum í honum þá er eins og Keikó sjálfur sé mættur í öllu sínu veldi, hann lætur vatnið leika um sig og tekur annað veifið vænar dýfur niðurá botn og kemur svo af öllum lífs og sálar kröftum upp á yfirborðið og er ekki laust við að mar sjái Keikó fyrir sér í myndinni Free Willy þegar hann stökk yfir varnargarðinn, þá voru honum allar aðrar leiðir lokaðar. Á því augnabliki sé ég sama glampa í augunum á Laxa og ég sá hjá Keikó forðum. Já ef einhver hefur reynslu eða getu til að aðstoða mig við að greina hann væri það vel þegið...........Varla er þetta ímyndun í mér ???

Dagurinn í dag þokkalegur annars.....Var reyndar að vinna lungað úr honum sem er alveg ágæt tilbreyting öðru hvoru. Enn styttist í helgina og allt í góðum gír, það eru reyndar tvö karlmannsnöfn sem fara frekar mikið í taugarnar á mér þessa dagana.........uuhhhh hvað skildi það nú vera ???????

Vont er að láta fallið falla fyrir fyrndinni......

Endur fyrir löngu

Svona svona mjaki mjaki.....hvernig er þetta bara það er að smella á miðvikudagur og þá er mar víst að byrja að detta í helgarskap en þó ekki kominn úr því síðan um síðustu helgi, þetta telst seint sem ókostur frekar flokkum við það undir algjöra snilld.

Þá er það ljóst að ég verð víst aldri flugumferðastjóri. Það eru inntökupróf núna í miðjum næsta mánuði, Það starf hefur alltaf heillað mig eitthvað en það er nú alveg ljóst að sjónin og skaðinn á öðru auganu hjá mér er strax nóg til að stöðva þær pælingar í fæðingu. Það eru mjög miklar kröfur gerðar um góða sjón og er það alveg skiljanlegt kannski Þá fer mar bara ótrauður að læra klósettkafarann og reynir að leggja allan sinn metnað í það......eða hvað......

Ökkli eða eyra....hvernig er það, góðan daginn.

Þá sjaldan mar.............

Enn ein helgin að baki. Vinna á laugardag og þaðan haldið heim í holtið, þar bauð ég í mat, læri, brúnaðar og allur pakkinn. Það tókst frekar vel þó að ég hafi þurft 2 tilraunir við að brúna kartöflunnar ( kenni öldrykkju um allt sem miður fór ) Fljótlega eftir matinn fór að gæti ölvunar meðal manna, Billi datt þó ekki út ( með batnandi mönnum er best að lifa ). Um hálf 2 var svo haldið í miðbæinn og var það þvælst eitthvað út og suður...... Það er eitthvað í andrúmsloftinu sem skapast þegar þessi hópur kemur saman og var þetta enginn undantekning. Það er alltaf eitthvað sem kemur uppá........"Fréttablaðið var að lenda"......Pass.

Á Sunnudaginn var ég svo í fríi í vinnunni og þurfti að halda á Hvolsvöll þar sem ég hlýddi á skáldsögu lesna upp af einkennisklæddum manni......Sagan var þræl fyndin á köflum og greinilegt að höfundarnir hafa gott hugmyndaflug og ættu að leggja eitthvað tengt þessu fyrir sig í framtíðinni.

Mánudagur....Skóli eins og gengur og svo var ég með Ingó að snúast í sölu á BMW og tók hann uppí Golf. Ágætur díll þar á ferð eftir því sem ég best veit. Ég er sjálfur í djúpum pælingum með bílakaup og kemur það allt í ljós síðar........

Hver dagur öðrum betur

Já ég held að það sé málið.... Ætli það séu til menn sem fara í taugarnar á sjálfum sér ? Ég held að það sé nú eitt það versta sem hægt er að lenda í. Mar fæðist eins og mar fæðist og deyr eins og mar deyr.. Það er ekki tími til annars en að hafa gaman af lífinu meðan á því stendur. Allir hafa sama rétt og enginn á að vera yfir aðra hafinn...Maður er mannsins gaman en samt þarf hann að geta þolað sjálfan sig best af öllum, þeir sem taka sjálfa sig í sátt eru nátturlega í bestu málunum.......... Djúpur mar

Þetta var svona speki á speki ofan...... Þvæla ? erfitt að segja, eða ?

Ég vill óska þeim nokkrum sem ég þekki og eru að fara í próf á morgunn laugardag ( eins heimskulegt og það getur orðið að hafa próf á laugardegi ) alls hins besta........
Vona að fólk almennt fjölmenni á pallana á morgunn ......Það er víst lofað góðri stemmingu.


Mjúkur búkur er búkur mjúkur !!!!

Lognið á undan storminum...

Jæja frekar slakur dagur í slökun. Ég afrekaði það að klæða mig um 1 leytið, alveg snilld. Gerði ekkert að viti í rauninni fór jú smá bílasölurúnt og er jafnvel að spá í að versla eina dós á morgunn, meira um það seinna. Mar liggur bara eins og skata í Þóroddi yfir tv og með sængina svona til halds og trausts. Laxi er hress og lætur ekki bilbug á sér finna.

Mér heyrist að það sé að skapast stemmari fyrir laugardagskvöldinu meðal almúgans og er bara gott eitt um það að segja.

En jæja ætli það sé ekki best að fara að drösla sér uppúr Þóroddi svo ég grói ekki við hann og kíkja í ræktina, ekki ræktar hún sig sjálf !!!!!!!

Skóþurrkan sem fyllti stælinn.........

Snúning......en ekki hvað

Jæja og hana nú...........Hér situr mar ( í nýja settinu auðvitað ) í holtinu og horfir út um stofugluggann út í nóttina. Það er auðvitað það fyrsta sem mar sér eru ljósastaurarnir á reykjanesbrautinni, herru þeir eru alveg ógeðslega margir. Uhhhh svo er Álverið líka þarna ekki langt undan með alveg frekar mikið af ljósum og tilheyrandi. Annars er þetta mjög rólegt hverfi og gæti mar alveg eins verið staddur á Raufarhöfn eða kannski Gunnarsholti, það er nú hús hér á móti mér sem er alveg eins og pýramídinn sem er staðsettur þar....Já og kannski jafnmargir á ferli. Veit nú samt að prósentulega hefur gatan mín örugglega forustu í hundahaldi því það eru 20 hús í götunni og held ég að nýjustu tölur hermi að hundarnir séu um 22... Ætli þetta sé ekki met ????

Stí stí stí hvað....Laxi, Saxi, Faxi, og hvað meira.......Það er ekkert mjög margt sem rímar við hið fallega nafn á ofurfiskinum Laxa. Ég er samt búinn að átta mig á því að þetta er besti, gáfaðasti, fallegasti, ríkasti og fyndnasti gullfiskur í heiminum ( var við öðru að búast miðað við faðerni, ég held ekki ) Hér fáið þið að sjá myndir af bróðir Laxa sem er alveg eins en hann er einmitt staddur á svamli í kúlu á Jan Mayen........



Annars bara sáttur við Guð og menn. Síðasti skóladagurinn í þessari viku á morgun og ekki er nú útúr myndinni að mar fái sér einn... Er svo að vona að það sé eitthvað skemmtilegt fólk að fara á djammið um helgina “Snúning..núning....það var nú meiningin ......”

Laxi og hjúts sófi.........

Héðan er allt gott og biður Laxi um kveðju og þakkar hlý orð í sinn garð við komu hans hingað í Vesturholtið. Ég er strax búinn að kenna honum ýmislegt eins og að synda aftur á bak, synda eins og höfrungur, brosa og segja Atli. Þetta er allt að koma hjá okkur félögum.

Jæja Helgin var í alla staði mjög fín. Á föstudagskvöldið þegar Danakonungur mætti vorum hér í firðinum og var mjög glatt á hjalla, bollan mjög fín og stíft drukkinn og gott ef mar sá ekki dansspor detta inn hér í holtinu. Held að við höfum verið í kringum 15 þegar mest var, um 2 leytið var svo taxi pantaður í miðbæinn. Það fór svo fram almálun í hæsta gæðaflokki og má segja að gengið hafi á ýmsu eins og við mátti búast kannski þegar þessi hópur kemur saman.

Laugardagurinn var líka frekar nettur, ég tók mér frí í vinnunni til heiðurs Stymma og fórum við í leiðangur um bæinn að skoða innbú eftir auglýsingum í fréttablaðinu ( þ.e.a.s fórum á heimili hjá fólki sem var að selja allt sitt) og það aðeins við skál var þetta nokkuð skemmtileg stemming, veit ekki hvað fólk hélt þegar mættu á svæðið 7 gaurar angandi af vínstækju. Allavega eftir daginn endaði ég með nýjan lampa og síðast en ekki síst nýtt hjúts stórt og mikið sófasett. Ef ég á að reyna að lýsa því þá er kannski best að segja að þegar Billson settist alveg uppí það þá dingluðu lappirnar fram af eins og hjá dverg, nær ekki nærri niður....Þetta er sett sem var keypt í habítat fyrir 4 árum á 300 þús, það er algjör snilld að liggja í þessu en ég veit ekki hvort það var það sem ég þurfti á að halda svona þegar mar er að reyna að herða tökin á námsbókunum !!


Í gær var svo vinna hjá mér og þaðan fór ég svo í matarboð hjá Dýu og Garon og mætti Ingi þar líka með fjölskylduna, alveg snilld að komast í lambalæri og brúnaðar kartöflur. Það hentar betur minni fjölskyldu að hafa lærissneiðar, passlegt í sniðum fyrir stóru fjölsk.....


Annars er mikið að gera í skólanum núna þessa vikuna sem er reyndar stutt, frí fimmtudag og föstudag eitthvað haustfrí sem er náttúrulega kærkomið.

Úlfur úlfur...................

Jæja þá er ég víst orðinn pabbalingur og er líka búinn að skýra og fékk hann nafnið Laxi. Ég bjóst nú ekki við svona miklum viðbrögðum útaf einum gullfisk en ég þakka hlý orð í minn og okkar garð.....Humm var eitthvað hægt að misskilja þetta, trúi því ekki

Annars er mar á öl nr 3 og er þetta allt að smella á.....Geri ég ansi miklar kröfur um góða skemmtun í kvöld enda er næstum öllu tjaldað, bolla og læti... Ætlum að vera heima hjá mér með svona létta partý stemmingu og svo mála bæinn öllum regnbogans litum.............

Eitt enn... Ég seldi bílinn minn i dag og er því bara með fulla vasa að peningum reyndar bíllaus.....Stemmmari það


Rock on


Rock on..já já já já já já já já

Minn eða þinn sjóhattur

Jæja nú er spennan að aukast og liggur við að mar sé farinn að telja niður þangað til að mar opnar fyrsta ÖL. Stymmi lendir kl 22 á morgun og er stefnan tekin á að fara í grasagarðinn þaðan á næstu bónus videoleigu og taka eina góða ræmu, dagskrá að pottþéttu kvöldi...............er það ekki annars ???????

Jæja Þá er víst komið að því að koma með fréttina hér inná bloggið sem ég veit að einhverjir eru búnir að vera að bíða eftir, ég hef ekki sagt nema örfáum frá þessu. Allavega það lítur allt út fyrir að ég sé að verða einskonar pabbalingur. Ég trúi því að sumir séu hálf hissa en svona gerist þetta víst bara..........Ég er mjög spenntur og hlakka mikið til. En meira um það síðar



Rock on

Brjáluð helgi framundar

Miðvikudagur......bráðum Föstudagur........Snilld

Þéttur dagur að kvöldi kominn.....skóli frá 8 í morgunn og var ég kominn heim úr honum um kl 5 þá óð ég í það sjóða Ýsu þökk sé Eyjaprinsinum fyrir það, algjör snilld með kartöflum og tómatsósu. Svo kl 6 byrjaði kvöldskólinn og var ég kominn heim aftur um kl 8. Get ekki sagt að Miðvikudagar séu í sérstöku uppáhaldi hjá mér en ef þetta skilar sýnu þá sleppur þetta. Núna er planið að kíkja í ræktina og reyna að hnykla vöðva. Já já já já já já já.

Annars er mar bara spenntur fyrir föstudeginum þegar Danakóngurinn mætir á svæðið í öllu sínu veldi. Kóngsi er í lagi að dregillinn sé aðeins útí vínrautt ??

Finnst ykkur annars ekki Billi vera frekar mikið fífl ???
Þetta var nú aðalega gert því Billi er alltaf að kvarta að geta ekki komist inní commentin hjá mér hvorki lesið né skrifað svo losið á hjartanu Billi sér það ekki !!!!!

Viðbætt : Ég lofa svo að það dragi til tíðinda í fréttamálinu hér á blogginu seinnipartinn á morgun eða annað kvöld........

Gaman að vera til.

Held nú að haustið sé að stimpla sig inn og það með alveg ágætis stæl, það er drullu kalt þó sérstaklega á morgnana og ekki er það að hjálpa manni á lappir, má nú varla við því að versna í þeirri hörmung. Það er kominn svona léttur helgar fílingur í mann var að spjalla við Stymma.....Þetta verður massa helgi, kallinn er að mæta á föstudaginn og er hann búinn að krefjast þess að móttökur verði fyrsta flokks, rauður dregill og læti ( sjáum til með það ) já já já já já já já ég er allavega orðinn fullur...................................eftirvæntingar

Ég hef skynjað það undanfarið að skapast hefur mikill órói meðal lesenda bloggsins og má ástæðuna rekja til hans Óla. Já Óli er greinilega með miklar skoðanir á hlutunum en vandamálið er að enginn veit hver þessi óli er, Þú ert hér með beðinn um að gera grein fyrir þér og þínum ferðum. Ég vona það dugi til að fá botninn í þetta dulafulla Óla mál og vænti ég því að linnulausum hringingum tengdum því heyra brátt sögunni til.

Annars er maður bara að hafa það alveg ótrúlega gott í baráttunni, tíminn líður frekar hratt og er önnin að verða hálfnuð og taskan ennþá útí bíl !!!!!!!!! Það er núna sem ég tel vera stað og stund að fara að rífa mig upp á rassinum og fara að sína þessu liði hvernig á að gera þetta.............Vast þú að kaupa þetta ????? Held allavega að Garon hafi trú á kallinum.........eða hvað ???

Er þetta ólæknandi. Ég stefni hraðbyri í það að verða bíllaus aftur og nýbúinn, ef einhver á undir rifi mola fyrir bíl alveg hrikalega góðan, lítið keyrðan og að sjálfsögðu á góðu verði má hann segja sig í samband.


Síðast og alls ekki síst þá lofa ég að fréttirnar líti dagsins ljós hér á síðunni fyrir næstu helgi. Mæli með að fólk hafi sætisólar spenntar og haldi kyrru fyrir í sætunum.

Sestu svo þú meiðir þig ekki !

Svona létt sunnudagveiki þennan daginn....Já mar svona hálf slappur eitthvað, kemur víst fyrir á bestu bæjum.

Chelsea – Liverpool............Veit ekki hvað skal segja jú horfði á leikinn í vinnunni. Úrslitin ekki mjög jákvæð og voru mínir menn víst slakara liðið mest allan leikinn að þessu sinni.

Speki : Það er líklega eitt að finnast og annað að langa. Stundum finnst manni eitthvað og langar til að hafa suma hluti öðruvísi en þeir eru í dag, en það er víst ekki hægt að hafa allt eins og maður óskar og er alveg ljóst að mar fær aldrei allt sem maður vill. Að mörgu leyti getur mar stjórnað lífi sínu, og reyndar hefur maður ótrúlegt svigrúm miðað við marga aðra, það standa menni í raun allar dyr opnar.. Svo er sumt sem mar ræður ekkert við og getur engu stjórnað til um t,d allt þetta yfirnáttúrulega og að sjálfsögðu skoðanir, langanir og vilji hjá öðru fólki. Lífið er óskrifað blað og mar veit víst lítið hvað framtíðin hefur uppá að bjóða. Við lifum í núinu og þá er bara að reyna að gera það besta úr hlutunum hverju sinni. Þegar mar gerir mistök er víst það eina sem maður getur gert að læra af þeim og þroskast við hverja raun. Ekki breytir maður því liðna.